dnt-news : នាងស៊ូ ឈី ដែលមានឈ្មោះពិតថា លីន លី ហួយ កើតឆ្នាំ១៩៧៦ ក្នុងគ្រួសារអ្នកក្រីក្រមួយនៅតៃវ៉ាន់ ។ ម្តាយរបស់ ស៊ូ ឈី កើតនាងនៅពេលដែលគាត់មានអាយុទើបតែ១៨ឆ្នាំ ។ ឪពុកម្តាយរបស់ ស៊ូ ឈី សុទ្ធតែជាមនុស្សមិនសូវមានចំណេះដឹងត្រូវធ្វើការងារអស់ពីដៃជើងតែនៅតែមិនមានបាន ។ ជីវិតក្រលំបាកជាមួយនឹងការយល់ដឹងតិចបានធ្វើឱ្យពួកគេមានគំនិតអភិរក្សនិយម ។
កើតក្នុងគ្រួសារដែលខ្វះការថែទាំក្មេងស្រី ស៊ូ ឈីក្លាយជាមនុស្សឯករាជ្យតាំងពីក្មេង ។ អាយុ១៣ឆ្នាំនាងចេះរកលុយខ្លួនឯង ដោយរៀនធ្វើរបស់ហត្ថកម្មពីម្តាយ និងយកទៅលក់ក្រៅពេលរៀន ។
ឈានចូលវ័យជំទង់អាយុ១៦ឆ្នាំដោយសារការគាបសង្កត់ពីឪពុកម្តាយខ្លាំងពេកក្មេងស្រីម្នាក់នេះបានឈប់រៀន និងរត់ចេញពីផ្ទះ ។ ក្មេងស្រីអាយុ១៦ឆ្នាំរូបនេះបានរស់នៅតែម្នាក់ឯងអស់រយៈពេល៦ខែ ។ នាងធ្វើជាតារាម៉ូដែលឱ្យទស្សនាវដ្តីបុរសមួយចំនួនដែលថតរូបអាក្រាត និងចាប់ផ្តើមយករហស្សនាមថា ស៊ូ ឈី ។
ដូចក្មេងស្រីដទៃទៀតក្នុងវ័យ១៧ឆ្នាំ ស៊ូ ឈី ក៏មាននិមិត្តរូបផ្ទាល់ខ្លួនដែរ ។ តារាដែលនាងស្រលាញ់នោះគឺ តារាស្រីវេរ៉ូនីកាយីប ។ វេរ៉ូនីកា យីប ល្បីឈ្មោះតាមរយៈការថតរឿងសិច “Pretty Woman”។ ដោយសារហេតុនេះ នាងបានសម្រេចចិត្តតាមចាប់ក្តីសុបិនរបស់ខ្លួន ដោយវេចបង្វេចទៅរស់នៅទីក្រុងហុងកុង ។
ឥវ៉ាន់ដែលក្មេងនេះយកតាមខ្លួននៅពេលនោះគឺសម្រស់ដ៏ស្រស់ស្អាតនិងភាពជឿជាក់ថាបើ នាងយីប ធ្វើបាន ខ្លួននាងក៏អាចធ្វើបានដែរ ។ ក្នុងវ័យ១៧ឆ្នាំ ស៊ូ ឈី បានថតរូបស្រាតរាប់មិនអស់ឱ្យទស្សនាវដ្តីសម្រាប់បុរស ។ និយាយពីរឿងហ៊ានថតរូបអាក្រាតទាំងនេះស៊ូ ឈី បានសារភាពថា “នៅពេលនោះខ្ញុំនៅឆោតល្ងង់ពេក ។ ក្រុមហ៊ុនតំណាងរបស់ខ្ញុំប្រាប់ថា វាជាការលះបង់ដើម្បីសិល្បៈ ។ ពួកគេបានពង្វក់ខ្ញុំដោយពាក្យផ្អែមល្ហែមដូចជា សិល្បៈ សម្ផស្ស ដើម្បីលួងលោមខ្ញុំ” ។ ចំពោះការថតភាពយន្តវិញស៊ូ ឈី ចែករំលែកដោយស្មោះត្រង់ថា “ខ្ញុំមិនដែលគិតថាខ្ញុំធ្វើអ្វីខុសនោះទេ។
កោសល្យសម្តែងពិតប្រាកដបាននាំមកឱ្យ ស៊ូ ឈី នូវពានរង្វាន់វិជ្ជាជីវៈលើកទីមួយ ក្នុងឆ្នាំ១៩៩៧ តារាសម្តែងទើបរះ ស៊ូឈី បានចូលរួមសម្តែងក្នុងរឿងជាច្រើននៅក្នុងនោះតួសម្តែងរបស់ ស៊ូ ឈី ក្នុងរឿង Viva Erotica”បានឈ្នះពានតួរងល្អបំផុតក្នុងកម្មវិធីប្រគល់ពានរង្វាន់ Golden Statue ដែលជាពានរង្វាន់ភាពយន្តដ៏ធំមួយរបស់ហុងកុង ។ ពានរង្វាន់នេះបានធ្វើឱ្យ ស៊ូ ឈី ត្រូវបានអ្នកដឹកនាំរឿងជាច្រើនចាប់អារម្មណ៍ ។ ចាប់ផ្តើមពីពេលនោះមក នាងបានខំប្រឹងមិនឈប់ឈរក្នុងរឿងដែលមានន័យពិតប្រាកដមិនមែនគ្រាន់តែការដោះខោអាវនោះទេ ។
មិនត្រឹមតែទទួលជោគជ័យនៅក្នុងស្រុក ស៊ូ ឈី បានពង្រីកខ្លួនទៅដល់ទីផ្សារអន្តរជាតិទៀតផងដោយបានចូលរួមសម្តែងក្នុងរឿងហូលីវូដដំបូងក្នុងឆ្នាំ២០០២ រឿង“Transporter ” ។ ជីវិតរបស់ស៊ូ ឈី បានបើកទៅទំព័រថ្មីមួយទៀតក្នុងឆ្នាំ២០០៥ នោះគឺនៅពេលដែលតារាសម្តែងរូបនេះបានឈ្នះពានតារាសម្តែងស្រីល្អបំផុតក្នុងកម្មវិធីប្រគល់ពាន Golden Horse សម្រាប់រឿង Best of Times” ។
បន្ទាប់ពីនោះ ស៊ូ ឈី ទទួលថតតែរឿងដែលមានគំនិតសិល្បៈជ្រៅ ឬរឿងដែលត្រូវបានចំណាយទុនច្រើន ។ ជាក់ស្តែងក្នុងឆ្នាំ២០០៨ រឿង “If You Are the One”រកចំណូលបានរហូតដល់៤៩លានដុល្លារ ។រឿង“ថាំងចេងទៅចម្លងធម៌” ក្នុងឆ្នាំ២០១៣ រកបានដល់ទៅ១៨៨លានដុល្លារ ។ នាងស៊ូ ឈី មិនបានរៀបការជាមួយបុរសណាម្នាក់នោះឡើយ៕ណារ៉ូ ប្រភព ដំណឹងថ្មី
Post a Comment